‎Fatima Bassour

***

" ياخسارة "
يا لمهرس ليل نعاسي
ب حلمة الجفا
ونا الشارقة شمس ف ليلك
ب خيوط لوفا
يا لميتم ف زماني الفرحة
يا القاتل ف العشرة النخوة
قررت نعريني من كدوبك
أنا اللي كنت شمعة...
انضوي ظلام دروبك
شهدة عسلها صافي
نتقطر ف جوف حزانك
قطرة قطرة...
تحلي ف حلق ايامك
مرارة الحگرة
وانت ب كلامك المغشوش
اعميت عين الشوف
وشعلت ف قلبي نيران الخوف
يا خسارة على برجي
اللي تخمامو طلع نية
مللي سرح خاطري معاه
وگال قلبك طاح وصاب غطاه؟!
ما قدكش ف حر لحزان سكنتك ظلي
وخيطت جرحك ب لمخبي من سري
گلت تكون ليا عمامة تغطي الراس
و نكون ليك مراية يلا تهرست
زاجها يلقى عليك الباس؟!
ما قدكش على عتبة الروح
فرشت ليك النية
وغطيت عيوبك ب رموش عيني
مللي ب سرارك كنت ليا تبوح؟!
يمكن واد طبعك غدار
ولى قلب هوايا م عرفش يختار
وملي غدرك ف دواخلي دوا
القيت هروبي منك ليا دوا
وقررت انطيح نجمتي من سماك
وانخليك ريح ملاوطة تابع هواك
ياللي تبدل ف النسا
ب صنارة لحروف
بلى حيا بلى خوف
بزاف عليك مزال اضوي ب قنديلي
حيت سعد هد الروح
كتبك نعجة ماشي خروف

مجنونة الحرف والركح