"فتاش لعيوب"
يا اللي
تفتش على عيوبي
ونتا عيبك التفتاش
إلى عجبوك ذنوبي
نعطيهم لك ب بلاش
أنا
ما فياش غير العيب
وبحال گاع الناس
مرة نخطى ومرة نْصِيبْ
ونتا
تشوف غير نص الكاس
أمرك يا خويا غريب
الله يحد ليك الباسْ
كل
واحد منا عندو كتاب
سطورو مرة فرحة
ومرة يقطر مدادو عذاب
جرب يا خويا قلب الصفحة
ولا نتا همك غير غْلاف لكتابْ
تفتش على عيوبي
ونتا عيبك التفتاش
إلى عجبوك ذنوبي
نعطيهم لك ب بلاش
أنا
ما فياش غير العيب
وبحال گاع الناس
مرة نخطى ومرة نْصِيبْ
ونتا
تشوف غير نص الكاس
أمرك يا خويا غريب
الله يحد ليك الباسْ
كل
واحد منا عندو كتاب
سطورو مرة فرحة
ومرة يقطر مدادو عذاب
جرب يا خويا قلب الصفحة
ولا نتا همك غير غْلاف لكتابْ
لشهب سعيد
ليست هناك تعليقات:
إرسال تعليق