صباح اهتمام

***لميمه***
لميمه كوني على بال
اشيباني جاه لهبال
الشيب فلحيتو بان
ولعقل يا حسره قلال
باغي ارجع شباب
دار خليله وحساب
اولعقل داه الشاط
لميمه كوني على بال
شيباني جاه الحال
ديري لكحل والخال
لبسي شربيل اوخلخال
لميمه تهلاي فلحاله
دري الحنه ونباله
لبسي قفطان ونعاله
شيباني خايب الحاله
نسا الدين والصلاه
او دار فراسو حاله
الشيخ بغا يصغار
طير من راسو لوقار
كان قُدوا ومتال
اصبح فلقيل ولقال
لميمه كوني على بال
الشباني عقلو قلال

بقلم:صباح اهتمام