العام
العام غادي يجري
ميلادي كان ؤ لا هجري
راس مالو شهور ؤ ايام
تدوز دغيا ك لحلام
موزعة بين ايام ؤ سوايع
ؤ شحال من وقت ضايع
ؤ بين ثواني ؤ دقايق
ؤ كثيرنا ساهي ماشي فايق
شحال من عام نقص من عمري
ؤ أنا غافل ما ندري
إمتى نفيق ؤ نرد البال
ؤ نحاسب نفسي ؤ نطرح سؤال
واش كسبي حرام ؤ لا حلال
نفقتو ف الخير ؤ لا ضيعت المال
آش درت ب صحتي ؤ شبابي
كيف عاملت ولادي ؤ قرابي
واش نفعت راسي ؤ صحابي
واش خديت شي إفادة
ف الدنيا ؤ العبادة
ما يهمني الناس أشنو دارو
كلها يشطب قدام دارو
خصنا العمل ماشي لكلام
ؤ على نبينا أزكى السلام
عبدالله عليم
العام غادي يجري
ميلادي كان ؤ لا هجري
راس مالو شهور ؤ ايام
تدوز دغيا ك لحلام
موزعة بين ايام ؤ سوايع
ؤ شحال من وقت ضايع
ؤ بين ثواني ؤ دقايق
ؤ كثيرنا ساهي ماشي فايق
شحال من عام نقص من عمري
ؤ أنا غافل ما ندري
إمتى نفيق ؤ نرد البال
ؤ نحاسب نفسي ؤ نطرح سؤال
واش كسبي حرام ؤ لا حلال
نفقتو ف الخير ؤ لا ضيعت المال
آش درت ب صحتي ؤ شبابي
كيف عاملت ولادي ؤ قرابي
واش نفعت راسي ؤ صحابي
واش خديت شي إفادة
ف الدنيا ؤ العبادة
ما يهمني الناس أشنو دارو
كلها يشطب قدام دارو
خصنا العمل ماشي لكلام
ؤ على نبينا أزكى السلام
عبدالله عليم
ليست هناك تعليقات:
إرسال تعليق