مال راسك عاصي ياراسي
حط القلم ونوض تخدم
مال راسك قاسح ضيق انفاسي
خليني عفاك نكمل نعاسي
لازم نزمم بالقلم
ماذقنا من هم وسم
همي وغمي أراسي
صبحو وسواسي
ياك قريتك أراسي
حكام وورثتك علم
درت راسك بين روس
ردودك سياسي
راه القلم أراسي
مدادو دموع لونو دم
هزيت سلاحي على همي
تقاضى قرطاسي
همي حس بالنخوة
كتفني ولفمي لجم
اسمعني يا راسي
ادخل سوق راسك
شحال قدك ما تقاسي
بعد حيد من تم
كابر نوض تخدم
ما تكلم ما تشتم
ما بقات ثقة في خيالي
خيالي ولى عساسي
يا راسي لجم الفم
قبل ما تكلم وتحكم
ما تهدر حتى تفكر
عنداك تفوت قياسي
راك تفوت قياسي
تزيدني هم وتندم
أش دخلك أراسي
في السياسي على كراسي
أش دخلك أراسي
في برلماني هاني ما يتكلم
أش دخلك أراسي
في وجع كلاب ضراسي
وخ نتألم ويسيل الدم
نسكت ونشلل الفم
أش دخلك أراسي
في شاني ومرشاني
اللي قلعوه من ساسي
أش دخلك أراسي
في الكاشفة على حياها
وصدرها ما تحشم
أش دخلك في سروال
هارب من محزم طايح
مفضوح ماراسي
أش دخلك أراسي
في دقيق الكيف
المعمر في سباسي
أش دخلك أراسي
في هذا كافر وهذا مسلم
خليني أراسي نكمل أيامي
ويكون لبحر وناسي
منك يالبحر تعلمت نصبر
نرمي همي وغمي
في مواجك ونردم
خيري في بحري يسقي
نخلة تمري وشجري واغراسي
يفيض جبالي يسقي بماه
دوالي من لعنب ولكرم
خيري في بري هما خاذو الغلة
وانا في التبن نذري
ونحفر الرملة ناشفة بفاسي
خليني أراسي مع راسي
رابط لمحبة ببلادي
ماخاصني ببنادم لمسمم
خليني أراسي فمي مكمم
حط القلم ونوض تخدم
مال راسك قاسح ضيق انفاسي
خليني عفاك نكمل نعاسي
لازم نزمم بالقلم
ماذقنا من هم وسم
همي وغمي أراسي
صبحو وسواسي
ياك قريتك أراسي
حكام وورثتك علم
درت راسك بين روس
ردودك سياسي
راه القلم أراسي
مدادو دموع لونو دم
هزيت سلاحي على همي
تقاضى قرطاسي
همي حس بالنخوة
كتفني ولفمي لجم
اسمعني يا راسي
ادخل سوق راسك
شحال قدك ما تقاسي
بعد حيد من تم
كابر نوض تخدم
ما تكلم ما تشتم
ما بقات ثقة في خيالي
خيالي ولى عساسي
يا راسي لجم الفم
قبل ما تكلم وتحكم
ما تهدر حتى تفكر
عنداك تفوت قياسي
راك تفوت قياسي
تزيدني هم وتندم
أش دخلك أراسي
في السياسي على كراسي
أش دخلك أراسي
في برلماني هاني ما يتكلم
أش دخلك أراسي
في وجع كلاب ضراسي
وخ نتألم ويسيل الدم
نسكت ونشلل الفم
أش دخلك أراسي
في شاني ومرشاني
اللي قلعوه من ساسي
أش دخلك أراسي
في الكاشفة على حياها
وصدرها ما تحشم
أش دخلك في سروال
هارب من محزم طايح
مفضوح ماراسي
أش دخلك أراسي
في دقيق الكيف
المعمر في سباسي
أش دخلك أراسي
في هذا كافر وهذا مسلم
خليني أراسي نكمل أيامي
ويكون لبحر وناسي
منك يالبحر تعلمت نصبر
نرمي همي وغمي
في مواجك ونردم
خيري في بحري يسقي
نخلة تمري وشجري واغراسي
يفيض جبالي يسقي بماه
دوالي من لعنب ولكرم
خيري في بري هما خاذو الغلة
وانا في التبن نذري
ونحفر الرملة ناشفة بفاسي
خليني أراسي مع راسي
رابط لمحبة ببلادي
ماخاصني ببنادم لمسمم
خليني أراسي فمي مكمم
محمد المؤذن مؤسس ورئيس جمعية كازابلانكا للتراث الشعبي- المغرب
ليست هناك تعليقات:
إرسال تعليق