Said Lachhab

*****

" الحق عندو مولاه "

الحق عمرو ما يضيع
ما دام عنــــدو مولاه
وخا كلشي يْسَلَّمْ ويْبِيعْ
القدس حَامِـــيهَا الله

الفلسطيني هاز كفنو
والحجارة تزهو ف يديـه
الصهيوني خايف منو
يطلق رْصَاصة الغدر عليه

أجساد صغيرة تتحدى الظلم
بصدر عاري تواجه الرشاش
ما سَلْمَتْ ما ضيعت الحلمْ
ف أرضها تقاوم وما ترضاش

الصهيوني حاضناه مريكان
بالمال يشريو أغلى عَتَادْ
سَرقو فلسطين أرض وجنان
شردو الشيوخ وقتلو لَوْلاَدْ

و حالكم يا لَعْرَبْ مْرِيضْ
تخلف وحيرة وخصام
تندبو منين يطيح الشهيد
والقاتل تعطيوه وسام

طوال الزمان ولا قصار
صهيوني تجيكم خبارو
تزول لغبينــــة و العار
الفلسطيني يرجع لدارو

لشهب سعيد