المحجوب بوسبولة

*****

ومونسني
حرفي ومونسني بزاف
ومرافقني ديما ولاف
كلمرة في حلة ومعنى
ليه شداه صديقي ومغنى
ويسافر بيا ف كل مكان
احبيب مايخليني نتهان
وسط الناس داير لي رفاقي
ومعاه وانا مازال باقي
ومعا هذا وداك يلاقيني
لكليمية ياك حاضيني
ياك يتصرف كيف بغا وراد
وسط سوق الكلوة الداوي
مرة حاكي مرة راوي
عدروني مبذل سر لحوال
ياك ف معانيه مجذوب لقوال
فارس الحركة ملي يركب
ياك كدام اهلو مايغرب
امبسم وجايب حلاوة الشهد
وموفي العهد ف الحر والبرد
عند حبابو وذواقو
ياك عند سطورو وعشاقو
خطوة خطوة مساير بالي
كلمرة مبذل لي حالي
كيف يغيب عليا خيالو
مني وانا ليه ديالو
ملي ناخد دواية نلقاه
ريشتي ترسم ماحب وبغاه
طايعني وراضي وملبي حاجتي
ياك فيه وجهي ومرايتي
مالك روحي قلبي ونبضي
ياك كل ماحضر حرفي يقضي
به نتسارى كل كون وعنوان
مرة مجذوب متلف لمكان
حرفي شلى عليه ماتكلموا
كل واحد في وصفومسلموا
هذا به يتباها ويزيد
ف اللمة داير ليه سر العيد

امضاء بوسبولة المحجوب