Mohamed Ali Gourch

*****

طيري مهاجر
__________

طيري مهاجر لوكر
مدة ما سول فيا
حشومة وعيب تغدر
يا الساخي بيا

كان ف جنبي لحبيب
عمري ما شفت الضيق
اليوم هجرني و مشا
خلالي الهم رفيق

كان حبنا مبني
على الصفا و النية
هاذ شي عمرو ما كان
و اليوم كتاب عليا

كل من ضاق به الحال
كيواسيه عشيقو
ؤ حنا لغدر بيناتنا بان
كلا شد طريقو

كان حبك يعزف
على أوتار قلبي ب نغامو
و اليوم اصبح غريب
ولهان تايه ف أحلامو

حبنا اصبح غريب
غريب قضيتي عليه بالجحود
واش ما ساورك الندم
على ما نقضتي من عهود

نسيتي يوم كنتي تقول ليا
عليك تفنى روحي
يلا مشيتي عليا
كان قصدي ليك شريف
ؤ داير النية

معاك صادفها قلبي
ما ظنيتك قاسية
طبعك غريب
يلا نضتي تنوض عافية

محبتك ماشي صافية
على والو تشعلي عافية
كنت ف يديك أنا جوهرة
ؤ ارسلتيني جمرة طافية

من عماقو كان يحبك لقليب
و اليوم اعرف طبعك غريب
طماع مانتاش حبيب

بقلم الزجال: علي الكرش