موسيقى

Aicha Rochdi Ouisse
*****
خويا
شْكُونْ خَـلاَّكْ هَكْذَا تَسْتَسْلَـمْ
وتَسْمَحْ للغِيـرْ فِيكْ يَتْحَكَّـمْ
هَاجَرْتِ وارْفَضْتِ عْلِيَّ تْسَلَّمْ
خَلِّتِيهَا فُرْصَة اللَّعـْدُو يَتْكَلَّمْ
وكِيفْ شَمْتـَكْ وخَلاَّكْ تَكْـذَبْ
*****
شْحَالْ انْصَحْتَكْ،مَاارْضِيتِ
واتْرَجِّيتَكْ ياخويا،مَا اسْمَعْتِ
ولَمْحَبَّـَةْ خَاوَتْـنَامَارَاعِيــتِ
غَرّاتَـكْ صُحْبَـة اُلْغِيـرْ،وانْسِيتِ 
ولَكْلاَمِي مَاابْـغِيتِ تَسْتَوْعَـبْ
***** 
يَاكْ اتْعَاهَدْنَاعلَى مْحَبَّـةْ لَوْفَـى
وخَاوَتْنَا مَا تَعْرَفْ كَلْمَة جْفَى 
هَكْذَاعْرَفْنَاك بالـنَّخْوَةْ واُلْعَفَّـة
كْلاَمْك مَعْقُولْ بصِيغَةْ اصْفَى

مُسُتَحِيلْ اتْكُونْ أنْتَ هَذَا لَعْجَــبْ
*****
مُحـَالْ، كُلْ مـَا اَوْقَعْ يَتْصَـدّق
ومعاك أنْتَ بالذَّاتْ مَا انْثَيـَّــق
وَعْـدِي..وَفِينْ هَمَّةْ الصَّـدق
اخْرَصْ لسَانَكْ،مَاابْقِيتِ تَنْطَق 
سَلَّمْتِ نَفْسَكْ لَلْغِيرْ بِكْ يَلْعَـبْ
*****
خـُويَاقْطَعْتِ بيناحْبَالْ اُلْـوُدْ
ومَافَكَّرْتِ يُومْ اعْطِيتِ اُلْعَاهـدْ
وإلاَ انْسِيتِ الخَاوَة والوَعـدْ
لَيَّامْ مَاتَعْذَرْمَنْ خَانْ اُلْعَـهـد 
وأَنْتَ خَنْتِ اُلْعَهدْ اللِّي تَكْتَب
*****
عائشة رشدي أويس رشدي

ليست هناك تعليقات: