Badia Elkadioui Elidrissi

*****

شحال قد الصبر ما يصبر
والعمر غادي ويكبر
والهم داير كيف الفقر
يديك ويوصلك حد القبر
بغينا غير نغيرو صرة الزمان
نطويو جوالقها بالدبر
ونعطروها بنية الصبر
حتي لين نبقاو
ملهوفين على ماكلت
الجمر
نحرثوه شجر وندريوه
رماد
گالو الناس القدام
كول على گد المروح
ما تزيد ما تنقص من وسخ
الدنيا ما تروح
ما ذهن سير ما تكلم وتلحلح
دير النية وماتنعس مع الحية
تكون ليك مزية
وما تبقي فيك كية
لا تيق في كحل الراس
راه يدخل ليك الوسواس
لراس
وتولي انت هو الخناس
ما عارف ساس من راس
يطيح ليك الجناح
ويمشي ليك لفلاح
والنجاح
تولي واحل في امحاين
هاز الهموم والحزاين
ما تلقى لا قفل لا باش
تسد الرمق
لا حتى وتد باش
دق
ومادير كي خيط الكفن
تغرز بلا برا بلا مخيط
وهمك غيرفي الفتن
تولي غير تخطف
وتحمل وانت ماقد تهز
حتى قفة الرمل
خاف الله لا تمشي متقل