آش ايقول يا ربي الميت قدام غسالو
--- 0 - 0 ---
رقصوا بالسيوف مع العدو
قلنا بأمجاد العروبة اعليه ابغاو ايبانو
قلدوه بقلادة دهب من عيار اثقيل
قلنا وسام ما كاين باس لبغاو ايجاملو
عمرو ليه الجيب بالملاير
من مال المسلمين هو وبنتو ونسيبو
قلنا عوضوهم في ضحايا برج هاري
اللي بإرهابهم أولاد ابلادو ماتو
ما كاين باس لتغلبوا ؤ سكتوه
بدفيع لبلا والباس ابلاما يتحاكمو
ساعة هما اهداو في اخفا لترامب
حتى القدس وهلو وبنيانو
باش يرضي الصهاينة ؤ لوبيهم
اللي في الميريكان انتاخبو
وخوتهم في سوريا طحنوهم اطحين
شي منهم من الحرب هاجرو
ولي ابقاو مخلاو ليهم بالهديم فين ايباتو
ولخرين في اليمن حاصروهم
ؤ قصفوهم بالقنبول ؤ في الصبيان ما حارو
حاصروا غزة والمقاومة ؤ باعوا وشراو
مع العدو فوق ظهورنا على اللي ما يملكو
ردوها حرب سنية شيعية وبداو يطاحنو
وحنا كلنا مسلمين اعلاش نتعداو ونتقاتلو
شلا اكلام من الهم اسخن في الراس
ولكن آش ايقول يا ربي الميت قدام غسالو
لبانت المعنى آ لسلمين عولو على الله
ؤ كل واحد حسبو ليه احسابو
نوضو عزمو ؤ قوموا الحركة
جهزوا انفوسكم ؤ زيدوا ناضلو
حتى يغلب دمنا اللي ولا رخيص
على اللي سيلو ؤ حق المسلمين باعو
ؤ نردو القدس وفلسين ؤكل ابلاد
من أعداء الله وأعداءنا اللي خابو
القاو كلمتنا في هاذ العلام امشتا
في عدد المسلمين ما حارو
قتلوا اولادنا بالمنكر ؤ شي سجنوه
كي القرود في كgوانطانامو
والأسرى في فلسطين ولاو فئران
جرب فيهم لعدو اسمومو
واللي ادوا على حقو
كان القنبول والرصاص اجوابو
من انعاتبو وحنا كلنا مسئولين
ملي انفخنا على بعضنا بعض
ؤ كلا من لاخر ولا ضارب احسابو
خلا على خوه اللي اينضغو ما ايسرطو
وتعاهد مع لعدو ولا واحد من اصحابو
ولعدو مول لعقل ما يآمن من شرو
ومسيرة ليام اتبين للي ثاق بيه غذرو
الله ايوفقنا للخير مع بعضنا بعض ونتاحدو
انقريوا لولاد يتعلموا ايصنعو
لينا اسناح قوي بيه تاحنا انحاربو
ويظهر فينا جيل انقي موحد كلمتو
يسترجع لينا فلسطين والقدس بمجادو
ويخلي لعدو مقهور هربان من اسيادو
اللي علموهم اجدادهم كيفاش ايقاومو
ؤ ما ايطحو الذل على أولادنا اللي ضاعو
شهداء في سبيل الله والحق
باش للقدس وكل أراضي العروبة يسترجعو
ونطفيو ديك الكية اللي قيحت في القلوب
خلاتنا امشتت لينا الري اللي بيه نتصلحو
على سنة الله ورسوله ابلاما نتعداو ونتخاصمو
يا ويلي على شوهتنا لعدو حارب بينا خونا
وبموالنا سلحو باش يهدم ساسنا من قاعو
وبرك يتفرج فينا وحنا بيناتنا نتقاتلو
خايف لا ايجي انهار اللي ابقا منا ايجي ايحصدو
ملي ايبان ليه ما ابقا فينا ما ايواجه اسناحو
قلنا بأمجاد العروبة اعليه ابغاو ايبانو
قلدوه بقلادة دهب من عيار اثقيل
قلنا وسام ما كاين باس لبغاو ايجاملو
عمرو ليه الجيب بالملاير
من مال المسلمين هو وبنتو ونسيبو
قلنا عوضوهم في ضحايا برج هاري
اللي بإرهابهم أولاد ابلادو ماتو
ما كاين باس لتغلبوا ؤ سكتوه
بدفيع لبلا والباس ابلاما يتحاكمو
ساعة هما اهداو في اخفا لترامب
حتى القدس وهلو وبنيانو
باش يرضي الصهاينة ؤ لوبيهم
اللي في الميريكان انتاخبو
وخوتهم في سوريا طحنوهم اطحين
شي منهم من الحرب هاجرو
ولي ابقاو مخلاو ليهم بالهديم فين ايباتو
ولخرين في اليمن حاصروهم
ؤ قصفوهم بالقنبول ؤ في الصبيان ما حارو
حاصروا غزة والمقاومة ؤ باعوا وشراو
مع العدو فوق ظهورنا على اللي ما يملكو
ردوها حرب سنية شيعية وبداو يطاحنو
وحنا كلنا مسلمين اعلاش نتعداو ونتقاتلو
شلا اكلام من الهم اسخن في الراس
ولكن آش ايقول يا ربي الميت قدام غسالو
لبانت المعنى آ لسلمين عولو على الله
ؤ كل واحد حسبو ليه احسابو
نوضو عزمو ؤ قوموا الحركة
جهزوا انفوسكم ؤ زيدوا ناضلو
حتى يغلب دمنا اللي ولا رخيص
على اللي سيلو ؤ حق المسلمين باعو
ؤ نردو القدس وفلسين ؤكل ابلاد
من أعداء الله وأعداءنا اللي خابو
القاو كلمتنا في هاذ العلام امشتا
في عدد المسلمين ما حارو
قتلوا اولادنا بالمنكر ؤ شي سجنوه
كي القرود في كgوانطانامو
والأسرى في فلسطين ولاو فئران
جرب فيهم لعدو اسمومو
واللي ادوا على حقو
كان القنبول والرصاص اجوابو
من انعاتبو وحنا كلنا مسئولين
ملي انفخنا على بعضنا بعض
ؤ كلا من لاخر ولا ضارب احسابو
خلا على خوه اللي اينضغو ما ايسرطو
وتعاهد مع لعدو ولا واحد من اصحابو
ولعدو مول لعقل ما يآمن من شرو
ومسيرة ليام اتبين للي ثاق بيه غذرو
الله ايوفقنا للخير مع بعضنا بعض ونتاحدو
انقريوا لولاد يتعلموا ايصنعو
لينا اسناح قوي بيه تاحنا انحاربو
ويظهر فينا جيل انقي موحد كلمتو
يسترجع لينا فلسطين والقدس بمجادو
ويخلي لعدو مقهور هربان من اسيادو
اللي علموهم اجدادهم كيفاش ايقاومو
ؤ ما ايطحو الذل على أولادنا اللي ضاعو
شهداء في سبيل الله والحق
باش للقدس وكل أراضي العروبة يسترجعو
ونطفيو ديك الكية اللي قيحت في القلوب
خلاتنا امشتت لينا الري اللي بيه نتصلحو
على سنة الله ورسوله ابلاما نتعداو ونتخاصمو
يا ويلي على شوهتنا لعدو حارب بينا خونا
وبموالنا سلحو باش يهدم ساسنا من قاعو
وبرك يتفرج فينا وحنا بيناتنا نتقاتلو
خايف لا ايجي انهار اللي ابقا منا ايجي ايحصدو
ملي ايبان ليه ما ابقا فينا ما ايواجه اسناحو
بقلمي
مساء يوم الأحد 17 دجنبر 2017
ليست هناك تعليقات:
إرسال تعليق