شرطي شروطك
شرطي ياشامة شروطك
گولي اش بغات الخاطر
في صباعك انا خاثم
يا لي فيك دفات الخاطر
ديريني دبليج في دراعك
بين لمخدة والخد نبات ساكن
ول خلخال فوق الكاحل
يضوي الصاك لي يستاهل
ول شربيل بالصم مرصع
يزيد نضرة ونور لكدام
نكون مضمةيا شامة
تزين داك المحزم
ولا شمار تخميل يجمع الصدر
نكون درة لداك الراس غطا
وسترة لداك السالف
ما يشيب ما يتخبل
ولا كحل في عينيك
في رموشها نبقا ساكن
نحرس عل لخدود
ما تحزن ولا تتكدر
نكون طاير يا شامة
بجناحي عليك انضلل
نحميك من صهد الكايلة
ومن الكمرة بالليل نخاف
تخطف نورك يا شامة
وزينك يدبال
وحروفك تتبدل
بقلم رواح حسن
گولي اش بغات الخاطر
في صباعك انا خاثم
يا لي فيك دفات الخاطر
ديريني دبليج في دراعك
بين لمخدة والخد نبات ساكن
ول خلخال فوق الكاحل
يضوي الصاك لي يستاهل
ول شربيل بالصم مرصع
يزيد نضرة ونور لكدام
نكون مضمةيا شامة
تزين داك المحزم
ولا شمار تخميل يجمع الصدر
نكون درة لداك الراس غطا
وسترة لداك السالف
ما يشيب ما يتخبل
ولا كحل في عينيك
في رموشها نبقا ساكن
نحرس عل لخدود
ما تحزن ولا تتكدر
نكون طاير يا شامة
بجناحي عليك انضلل
نحميك من صهد الكايلة
ومن الكمرة بالليل نخاف
تخطف نورك يا شامة
وزينك يدبال
وحروفك تتبدل
بقلم رواح حسن
ليست هناك تعليقات:
إرسال تعليق