يالمشوق في الزرادي
زور أرض بلادي
متع العين بجبالي
وشعابي ونجادي
متع النظر بالرمل
صخر ومواج لبحر
متع النظر بالنخل
بالرمان وبلوح التمر
متع النظر بالشجر
بعروش الريحان والزهر
قبلما تغادر يالمسافر
مرحبا بك في الدشر
تشرب أتاي بنعناع اخضر
معمر وعلى فاخر مشحر
تلقى طرح المسمن
مريح بالعسل والسمن
وخبز المحراش مكسر
بغرير مافطير مخنفر
وخبز الفران لمخمر
وحتى الروز ولبركوكش
عليه السمن لمكشكش
قصرية بقمح مكسكس
عليها البسباس والتبش
وسيكوك بلبولة باللبن
اشرب وريحة الربيع تبنن
وزبدة الدار كول وغمس
ياضيفي اقطع الحس
باقي الخير كول وقيس
راه مازال التشيشة
والرفيسة بالحلبة ولعدس
فروج بلدي ليك مهدي
بمساخن طاحنها عل يدي
لحم الخروف المعلوف
محمر في الطواجن
براس الحانوت وزواتن
قنفود طيب بزيت العود
لحمام والحجل مفلفل
أنواع الحوت مشرمل
زميتة تحيي عروق ميتة
الحريرة ولخليع لمخلل
كول يا صيفي عليك لامان
الاما شبعتيش زيدك زنان
وراس خروف وطيحان
مرحبا بك يا ضيفي
ثلث أيام ضيافة ربي
مرحبا والله ما تمشي
زور أرض بلادي
متع العين بجبالي
وشعابي ونجادي
متع النظر بالرمل
صخر ومواج لبحر
متع النظر بالنخل
بالرمان وبلوح التمر
متع النظر بالشجر
بعروش الريحان والزهر
قبلما تغادر يالمسافر
مرحبا بك في الدشر
تشرب أتاي بنعناع اخضر
معمر وعلى فاخر مشحر
تلقى طرح المسمن
مريح بالعسل والسمن
وخبز المحراش مكسر
بغرير مافطير مخنفر
وخبز الفران لمخمر
وحتى الروز ولبركوكش
عليه السمن لمكشكش
قصرية بقمح مكسكس
عليها البسباس والتبش
وسيكوك بلبولة باللبن
اشرب وريحة الربيع تبنن
وزبدة الدار كول وغمس
ياضيفي اقطع الحس
باقي الخير كول وقيس
راه مازال التشيشة
والرفيسة بالحلبة ولعدس
فروج بلدي ليك مهدي
بمساخن طاحنها عل يدي
لحم الخروف المعلوف
محمر في الطواجن
براس الحانوت وزواتن
قنفود طيب بزيت العود
لحمام والحجل مفلفل
أنواع الحوت مشرمل
زميتة تحيي عروق ميتة
الحريرة ولخليع لمخلل
كول يا صيفي عليك لامان
الاما شبعتيش زيدك زنان
وراس خروف وطيحان
مرحبا بك يا ضيفي
ثلث أيام ضيافة ربي
مرحبا والله ما تمشي
محمد المؤذن مؤسس ورئيس جمعية كازابلانكا للتراث الشعبي - المغرب
ليست هناك تعليقات:
إرسال تعليق