شحال كان بودي
**********
ولدي ياااا ولدي
شحال كان بودي
نعطيك
من روحي شلا
نزيد
لعمرك عوام
شحال كان بودي
فيك نتهلا
نشوفك
ف كل سربة علام
نشوفك
رايس ف بحور لكلام
من حر الغدة
و الدق لمرادف
من ضيق الشدة
و العيش الكاشف
بغيتك ساروت !
بغيتك ساروت
لشحال من حلمة
بغيتك لسان
لشحال من بكمة
قنديل
يشعل ف الظلمة
جمرة
ف كفوف العدمة
القاسمين ظهور لعباد
الزارعين ف الحق اوتاد
الحارقين بالظلم كبااااد
الرافعين علام لكياد g
آاااه يا ولدي
آاااه يا ولدي
شحال كان بودي
عليك ما نتخلى
حتى يثمر عودك
و تزول الدمعة عل لخدود
ينامو ف لهنا جدودك
ولا كتاب لي الموت
تسمع :
الله يرحم لقبر و ما خلا
**********
نورالدين حدوشي
**********
الصورة بعدسة اخي و صديقي مولاي مبارك المفتي .
ليست هناك تعليقات:
إرسال تعليق