Mohamed Elwazzani EL Hasnawy

***

* العتبة*
اگصاص ولا انصاص
هادي معنى زيدها في الراس.

جتني في البال
يالغزال
ماتباعي ماتشراي
بمال.
الزين هو هدك على قد
الحال.
اخلاق هي هديك زينة
الافعال.
الثقة فيك ولو تكوني وسط
ارجال
الكحل في العينين كد
الكيسان
دايرين امقوسين
الحجبان
الصيگان مبرومين. في الرجلين
الخلخال
ايام مع هديك ترجع
موحال.
جتني في البال
ياعوجت الفم.
حياتي لدوزت معك.
كلها هم
اعييت نتكلم
ولا ابغيتي تفهم.
دابة طول الايام
على فراقي تندم
ماكيفهم غير ل في الهم.
عتبتك وارفاگتك مافيها مايتشم.
غير داوي
ضرني خاطري
كنحكي لك بلا تقلاق بلا طلوع الدم.
ياصاح متضرب
حتى تجرب.
لباها مغلوب لاتخطب. لاتقرب
تيگولو مغلوب مرتو ماهو مغلوب.
افهم المعنى مالك فايق مگلوب.
كلام الناس اتصرفو ادنوب.
كلام الجواد صافي
تجارب الماضي مافيه كدوب.
هدك امراتو
امكرفساه امبهدلاه.
والاخر امراتو
محترماه امشرفاه.
زعما هدك
صخط من الباه.
والاخر أرضا جداه.
كاين للمرا ناتفاه.
كاين لمگداه امنظفاه
مكتوب كل واحد اش امكتب ليه الله....
بقلمي محمدالبراقي الحسناوي