Ahmed Naciri

***

باسم الله نبدا نشعر
عل الفلاح ما صبت صبر
على ايامو وشحال سهر
والتعب والصفا والنية...
....
ضايفني عندو لوكر
بالترحاب وشحال شكر
والرجال عمرها ما تحكر g
واحلى ما عندو قدم ليا...
....
ملي كال الاذان الله اكبرg
ناض توضا وصلى لفجر
وخرجت معاه لشياه وبكرg
ليهم علف وتبن شوية....
....
مكفض على ذراعو ومشمر
ما يهمو برد أو سمر
ورجعنا لدارو نفطر
والحال باقي سروية...
....
كلا ومصرانو راه عمر
وربط جوجة عجل و ثور
وللمطيرة بدا يعبر
توكل عل الله ودار النية...
....
المحراث بالسكة غادي يحفر
والجوجة بالرجاع ليها يعصر
يقلب يابس وخضر
والمحروثة رجعت بكرية...
....
يزرع وما ناوي غير الخير
معاه ياكل نمل وطير
وربي مفيض لخمير
ما بين صباح وعشية....
....
يحرث ويزرع وبيهم يبطر
ومع جوجتو غادي يهدر
وملي يأذن العصر
يطلق ويمشي يرتاح شوية...
....
بالكد لارضو يشهر
والعمل مقادو مع لعمر
وبالجهد ومعاه الصبر
وهذا حالو مع الدنيا...
.....
............أحمد الناصري....