Tarik Hanif

***

بقلم طارق حنيف
فروجي يابو ألقوافي
أش قربك تكب ألكافي
كون ع شاورتيني
راك سير تكفح بلاتي
وإلامبغيتيش تحشم
ياإماندبحك
ندير عليك رفيسة
ولا نديك نبيعك
في حد ألبخاتي
حيت ماسمعتيش تسنى بلاتي
فروجي يالبركي
ياسيد ألفرارج
علاش مابقيتيش في ألوطى
ياك ماغرتي من بلارج
راك إلا عليتي وعششتي بحالو
راك ماتكدش عليه
غادي دوخ
ويشدك بو فالج
راني ما نحبسكش
راه علفك في ألكاعة
راك ديما ليه خارج
فروجي يابو ألفراكس
يازين طياب ألبرمة
خاصك ع ملاتك لي
تكاد ألكساكس