"الخاطر"
شافوني الناس من الفوق
گالو هذا يفرق الرشوق
وأنا غير جوال ف ربوع الخاطر
گالو هذا يفرق الرشوق
وأنا غير جوال ف ربوع الخاطر
راسمالي شي تفاتف
جمعتهم بالريق الناشف
نگاجي ف الحزة ونغامر
جمعتهم بالريق الناشف
نگاجي ف الحزة ونغامر
نْصَبر ف صبري ونساعف
نمشي مع الموج ونوالف
ما نقرب ما نطوف بالجرف الواعر
نمشي مع الموج ونوالف
ما نقرب ما نطوف بالجرف الواعر
نحلم بالنجمات ف سمايا
ونخاوي الكلمات ف غنايا
نتيه مع التيه ونسافر
ونخاوي الكلمات ف غنايا
نتيه مع التيه ونسافر
الخاطر ما هو بفلوس ما هو بقراية
ما هو كتاب مكتوب بالقلم والدواية
الخاطر هو نتا وانايا ولاخر
ما هو كتاب مكتوب بالقلم والدواية
الخاطر هو نتا وانايا ولاخر
يا اللي تحكم على بنادم من ضحكاتو
كل واحد وحياتو
وكل واحد وكيف طفا جمراتو
وكل واحد وكيف صابر
كل واحد وحياتو
وكل واحد وكيف طفا جمراتو
وكل واحد وكيف صابر
لشهب سعيد
ليست هناك تعليقات:
إرسال تعليق