Badia Elkadioui Elidrissi

***

تمنيت نكون في ذاك الوطان
لي كان كبير في ذاك الزمان
وطن يعيش فيه لحرار لا لكهان
وطن كبير بحال الجبال
لي كان يجمعنا فيه دم و حبال
لي كانت فيه النخوة وحر رجال
لي كان فيه عمر وصلاح ولمختار
وزيد وزيد سياد من كل القطار
لي كان يدافع عليه سيد الرجال
لكانو معروفين بالهمة والنفس على
البلاد
وانا لدمي فيه شركة من ذوك لقوام
الهمام
ما رضيتش بالذل والهوان
ما بغيتش شرفنا يديوه الخوان
بغيت وطنا يرجع بحال ما كان
ونكونو يد وحدة وعزيمة لكل لعدا
ويكونو رجالنا شداد يدافعو بكل الغالي
على وطن لحباب من كل عين طامعا
يكونو اسود ونسور يجريو على كل
غدار من جميع لبواب
يحرثو لبلاد بلا غش بلا نفاق بلا كذوب