Mohamed Elwazzani EL Hasnawy

***

*الغربة *
اتغربت في المهجر 
القيت بشر آخر
انجيكم من الاخر
من نهار امشيت 
من العنصرية عانيت.
امشيت نكري بيت.
على مكتب السمسار دقيت 
استقبلني رحب بيا
گال لي تفضل اش ابغيت
گلت ليه انا مهاجر محتاج بيت.
كشبر فيا
ورد عليا
اصباح الله ياقوم اخزيت.
حليت فمي
احدرت راسي 
ماعرفت باش التبليت.
سالو ادموعي داخليا 
اتفكرت بلادي المغرب ابكيت.
اخرجت شديت اطريق صديت
بالتقلاب اعييت 
مالقيت بيت
في قهوة ريحت
گلت نتسارح اعييت.
الحگ الليل 
فكرت نبات في اوطيل.
فعلا ادخلت
على الثمن سولت
ملي اسمعت الثمن التبهظت
.الليلة عشرة آلاف مغربية 
گلت في نفسي اش هاد اصكوعية.
نرجع لبلادي هي لتقبل علية
هزيت ساكي رمت خيرية
گلت هنا نبات بالشرطة محمية.
يالله اتمددت
الشرطة علي وقفت
اخداو الباسبور.
قواو علي شلا اهضور.
ردولي الباسبور
.گلت نمشي لبلادي هنا ماندور.
شديت الطاكسي ملي اطلع انهار
وصلني للمطار.
من الشارقة للدار البيضا

لمطار انواصر
اتفجا الخاطر
في المغرب عالم اخر.
الخير والخمير
الله يحفظ اولاد ابلادي اربح والتسير
خويا لفي المهجر
كابر واصبر.
امجرب المهجر.
المغرب الجود الكرم العز
في الشارقة لاما لاخبز
تشري الما الأساسي الرز.
شلا مايتگال
الخوتي راه لسان اتقال......بقلمي محمدالبراقي الحسناوي