"حروف بمداد الكبدة"
واش عقلتو
ديك المدة
منين نسيت المعنى
وخليتو يتسنى
ف مطمورة لكلام
ودازت شلا عام
حتا قدام وصَدَّى
واش عقلتو
منين لَفْهَامَة سَوْسَاتْ
ؤفْ جُوفْ التْرَابْ غَمْلاتْ
وكانْ ولاَ بُدَّ
نلقى شي حيلة
نزمم حكاية ديك الليلة
نمثل لقبيلة
وموسم الهضرة كان غدا
وتفكرت شي مداد
كنت خَلَّعتو بالعْنَادْ
ضذ ف حموم الرماد
كنت قطرتو
وبلوايعي عصرتو
من جوف الكبدة
وكتبت قصيدة
ووجدت حروفي للتبوريدة
المحرك كان سخون
بالكلام الملحون
واللْغَى الموزونْ
محزم يتهته ف التيه
وممنوع تنهيه
ولا تنطق بكلمة وتلهيه
على درديك القعدة
ووصلتني النوبة
وجبدت قصيدتي المرعوبة
لقيتها حنينة
حشمانة مسكينة
ما سخات بيا
ما عرفت سلام
ما عرفت بَدْية
ما نطقت بكلام
وعقول الناس بدات تهيم
واش هدي قصيدة بلغة الميم
وكان لابد
نفك هاد العقدة
ومن سعدي
ما كان حد من بعدي
وضربت رعدة
جفلت لقصيدة
من جلايل الرعدة
وگلت كلامي
وزالت الشدة
ديك المدة
منين نسيت المعنى
وخليتو يتسنى
ف مطمورة لكلام
ودازت شلا عام
حتا قدام وصَدَّى
واش عقلتو
منين لَفْهَامَة سَوْسَاتْ
ؤفْ جُوفْ التْرَابْ غَمْلاتْ
وكانْ ولاَ بُدَّ
نلقى شي حيلة
نزمم حكاية ديك الليلة
نمثل لقبيلة
وموسم الهضرة كان غدا
وتفكرت شي مداد
كنت خَلَّعتو بالعْنَادْ
ضذ ف حموم الرماد
كنت قطرتو
وبلوايعي عصرتو
من جوف الكبدة
وكتبت قصيدة
ووجدت حروفي للتبوريدة
المحرك كان سخون
بالكلام الملحون
واللْغَى الموزونْ
محزم يتهته ف التيه
وممنوع تنهيه
ولا تنطق بكلمة وتلهيه
على درديك القعدة
ووصلتني النوبة
وجبدت قصيدتي المرعوبة
لقيتها حنينة
حشمانة مسكينة
ما سخات بيا
ما عرفت سلام
ما عرفت بَدْية
ما نطقت بكلام
وعقول الناس بدات تهيم
واش هدي قصيدة بلغة الميم
وكان لابد
نفك هاد العقدة
ومن سعدي
ما كان حد من بعدي
وضربت رعدة
جفلت لقصيدة
من جلايل الرعدة
وگلت كلامي
وزالت الشدة
لشهب سعيد
ليست هناك تعليقات:
إرسال تعليق