رحمة الله عليك
رحمة الله عليك يا فلاح النية
الرحمة عليك و على ذيك ليام
أيام الخير والمحراث والسروية
أيام الجوج والرصونة واللجام
ما تتسنى غمام ولا ريح شتوية
تحرث البلاد بلا شك بلا تخمام
المونة غير خبزة من الذرة البلدية
حامد عليها مولاك وكافياك بلا يدام
أرضك من عند الله ديما مسقية
والشتا صابة بلا طلبة كل عام
الطيور تابعاك فرحانة تاكل شوية
عطيت للأرض وعطاتك الايام
رحمة الله عليك يا فلاح النية
الرحمة عليك و على ذيك ليام
أيام الخير والمحراث والسروية
أيام الجوج والرصونة واللجام
ما تتسنى غمام ولا ريح شتوية
تحرث البلاد بلا شك بلا تخمام
المونة غير خبزة من الذرة البلدية
حامد عليها مولاك وكافياك بلا يدام
أرضك من عند الله ديما مسقية
والشتا صابة بلا طلبة كل عام
الطيور تابعاك فرحانة تاكل شوية
عطيت للأرض وعطاتك الايام
******
تعالى تشوف الوقت ك ولات
ف زمان الحداقة وقلة النية
الحرث ف نهار والنية ما بقات
والطير ما يلقى حبة مرمية
السموم يزرعوها مع الحبات
ما يتوكلوا ع الله زين العطية
كثر كلامهم والخدمة قلات
حاضين الأرصاد صباح وعشية
ما يثيقوا ف السما يلا غمات
يثيقوا غير ف النشرة الجوية
الله يسقي قبرك ب الما والرحمات
و يسقي معاك هاذ القلوب المعمية
تعالى تشوف الوقت ك ولات
ف زمان الحداقة وقلة النية
الحرث ف نهار والنية ما بقات
والطير ما يلقى حبة مرمية
السموم يزرعوها مع الحبات
ما يتوكلوا ع الله زين العطية
كثر كلامهم والخدمة قلات
حاضين الأرصاد صباح وعشية
ما يثيقوا ف السما يلا غمات
يثيقوا غير ف النشرة الجوية
الله يسقي قبرك ب الما والرحمات
و يسقي معاك هاذ القلوب المعمية
بقلمي: الهرموزي 27 نونبر 2017
ليست هناك تعليقات:
إرسال تعليق