شعيب صالح المدكوري

***

لْگَلْب لِ بْغَاهْ

...

شْحَالْ گَدَّكْ تْنَهَدْ بِآآآآه

كِدِيرْ لَگْلِيبْ اِلَا بْغَاهْ

فَ غْرَامُو تَهْت ؤُ تَاهْ

حْتَا عَادْ هُوَ دْوَاهْ

مَ بْقَا عَنْدُو جَاهْ

وَلَّا گَدْ اِقَاوَمْ بْلَاهْ

تَفْتَنْ بِ زِنُو ؤ بْهَاهْ

فِ شَبَكْتُو رْمَاهْ

حَرْگُو بْنَارُو ؤُ شْوَاهْ

مَ بْقَا اِگَّدْ يَنْسَاهْ

...

شْحَالْ گَدَّكْ تْنَهَدْ بِآآآآه

كِدِيرْ لَگْلِيبْ اِلَا بْغَاهْ

صْبَحْ لِرْوحْ دْوَاهْ

طْبِيبْ مْگَابَلْ شْفَاهْ

بِ اِلِكْسِيْر الْحُبْ رْوَاهْ

زَادْو نَبْرَاتْ ؤُ قَوَّاهْ

خَرْجُو مَنْ لْعَزْلَة ؤ تَاهْ

وَسْط نَّاسْ شَانُو عَلَّاهْ

خْتَارُو ؤُ حَبُّو ؤُ هْوَاهْ

حْسَنْ مَنُّو مَ يَلْگَاهْ

...

شعيب صالح المدكوري

تامسنا 26.11.2017