نزيهة مشيش
*****
لله يا هذا لا تحاول تقراني
صياد النعام يلكاها يلكاها
ويلا حوست اعليا
رد بالك غادي تلكاني
ولد لقبيلة يانا
ماني براني
انسى الهم ينساك
قالوها ناس ازمان
اعلاش الهم انسيتو
ؤ هو ما قادر ينساني
البس قدك يواتيك
تا هاذي قالوها
ؤ البست توب الراحة
ظنيتو واتاني
غطا اجروحي
درك امحاني
لقيتو كامل امخرك
كدام لعدا عراني
يا الهايم بين لسطور
لا تحاول تقراني
اكتاب مفتوح أييه
لكن احروفي مطرزة امعاني
ما يفكها غير لي حالو كي حالي
تشابهت ليام
شاب الراس اكبل الوقت تخمام
تعليت ولا ادوا داواني
وليت كيف البوهالي
نسارى حافي في ادروب لمعاني
هاذي تديني ؤ هاذي تردني
ؤ لي ما ذاق حر الزمان
ماهو قادر يفهم اقوالي
لله يا هاداك
لله يا هاديك
لاش لاحكني
ادخل سوق راسك
بالاك
بالاك تما تلكاني.
نم
صياد النعام يلكاها يلكاها
ويلا حوست اعليا
رد بالك غادي تلكاني
ولد لقبيلة يانا
ماني براني
انسى الهم ينساك
قالوها ناس ازمان
اعلاش الهم انسيتو
ؤ هو ما قادر ينساني
البس قدك يواتيك
تا هاذي قالوها
ؤ البست توب الراحة
ظنيتو واتاني
غطا اجروحي
درك امحاني
لقيتو كامل امخرك
كدام لعدا عراني
يا الهايم بين لسطور
لا تحاول تقراني
اكتاب مفتوح أييه
لكن احروفي مطرزة امعاني
ما يفكها غير لي حالو كي حالي
تشابهت ليام
شاب الراس اكبل الوقت تخمام
تعليت ولا ادوا داواني
وليت كيف البوهالي
نسارى حافي في ادروب لمعاني
هاذي تديني ؤ هاذي تردني
ؤ لي ما ذاق حر الزمان
ماهو قادر يفهم اقوالي
لله يا هاداك
لله يا هاديك
لاش لاحكني
ادخل سوق راسك
بالاك
بالاك تما تلكاني.
نم
ليست هناك تعليقات:
إرسال تعليق