الحب لباس حرير جميل
ماشي أي حد يجي عل قياسو
رد بالك لا گليبك يميل
للي يعذبو ويهد ليك ساسو
فكر كثير و تمهل قليل
قبل يصيبك سهمو و هواسو
شحال من واحد رد نهارو ليل
مرر فياقو و حرر نعاسو
بعد كان لهنا رفيگ و خليل
صار الحزن لون مشيه و گلاسو
شحال من صحيح ردو عليل
سكناتو جراح من رجليه لراسو
يا راسي نوصيك
فالحب كون رزين و عاقل
لا تخلي ريح يديك
الجرح راه قريب و ساهل
وخا أولو زين و يغريك
ما تهديه غير للي يستاهل
خلي نبضو يكون ثقيل
و شد ليه بعقلك قياسو
خلي نبضك كيف تمر النخيل
ماشي بيد من والة يتساسو
تمرات قلبك من النوع لأصيل
خليها للعشاقة لا تزرب و ينداسو
لا تندم و تگول آه و يا ويل
الحب سقاني مرار من كاسو
نبيل عبيد
ماشي أي حد يجي عل قياسو
رد بالك لا گليبك يميل
للي يعذبو ويهد ليك ساسو
فكر كثير و تمهل قليل
قبل يصيبك سهمو و هواسو
شحال من واحد رد نهارو ليل
مرر فياقو و حرر نعاسو
بعد كان لهنا رفيگ و خليل
صار الحزن لون مشيه و گلاسو
شحال من صحيح ردو عليل
سكناتو جراح من رجليه لراسو
يا راسي نوصيك
فالحب كون رزين و عاقل
لا تخلي ريح يديك
الجرح راه قريب و ساهل
وخا أولو زين و يغريك
ما تهديه غير للي يستاهل
خلي نبضو يكون ثقيل
و شد ليه بعقلك قياسو
خلي نبضك كيف تمر النخيل
ماشي بيد من والة يتساسو
تمرات قلبك من النوع لأصيل
خليها للعشاقة لا تزرب و ينداسو
لا تندم و تگول آه و يا ويل
الحب سقاني مرار من كاسو
نبيل عبيد
ليست هناك تعليقات:
إرسال تعليق