لَغْدَرْ طَبْعْها

Noureddine Fikri

*****

لَغْدَرْ طَبْعْها

لْهَمّْ فِ نَفسي خَلَّاتْ
لَغْدَرْ طَبْعْها هِيَّا
مْشاتْ ما رَجْعاتْ
كْواتْ ݣلْبي كِيَّا
واشْ بعْدْما مْشاتْ
تْعاوَدْ تَحْلا لِيَّا
ما عْرَفْت آشْ بْغاتْ
وَعْلاشْ تْݣَلْبَتْ عْلِيّا
جْراتْ حْتا عْياتْ
باشْ تْكون لِيَّا
فِ ݣَلْبي دخلاتْ
وَحْلاتْ فِ عينِيَّا
عْلى صدري بْكاتْ
مْسحت دْموعْها بيِدِّيا
وبكل هَمّْها شْكاتْ
دْخَلْتْ لْحُبّ برَجْليّا
دُّنيا مْعاها زْهاتْ
ݣَلْت من الله هْدِيّا
جَبْتْ كل ما طَلْباتْ
وكل ما طالَتْ يِدِّيا
وْدابا كُلْشي نْساتْ
وما فَكّْرَتْ فِيَّا
واشْ فِ كْلامْها صَدْقاتْ
وَلَّا حًبّْها كان تْفَلّْيا

بقلم: نورالدين فقري