كولشي امتيك
ك الرراي ك اتشانك
شي سالخ معزة
وشي واكل دبزة
وشي واكلها ف لوطا
وشي ضارباه اللهطة
م تدور جريا
حيت الشغل كولو فريا
م مروند م امغني
م بايع
م شاري
امگابل غ التنبار
والتبرگيگ
من القهوة لباب الدار
قاري احسيفة
ب الهضرة الخاوية
يضفر بها لوضيفة
عاصر عل الدكة
نابت
تابت
مفضي
هادي اطويلة
هادي اقصيرة
هادي مالها دايرة هوككا
ناسي عيبو
كاب راسو
ف زبالة الوقت
يخللط
يجللطت
مرة اخبار
ومرة اشهار
ومرة ينعل مولات الدار
واش كاين اهنا
ولا طار ليه فرخو من لوكار
محمد الوافي
ليست هناك تعليقات:
إرسال تعليق