أنا اسمار
أنا دوم
أنا زگوم
أنا شوكه احمار
ما نتهجن
ما ندجن
ما نوض ف محبق
ما نزين دار
من زهري العوج
گلعوني من المرج
غرسوني بين برج وبرج
حلقي نشف وتقج
لا عيون صافيه
لا سواني وبيار
راني باغي نطج
با غي نهج
نمشي لهيه
وملهيه لهيه
تا لرض تعنگ اسما
تا اسما تبوس لما
عروگي فوگ اكتافي
فين ما بغيت نغرس راسي
نكربلني ب ضفاري
ونسقيني بدموع مالحه
ونرشني بعرگ صافي
تمه نعيش ونعشش
تمه نعلا
ونعرش
تمه نخلى
ونتكمش
وتمه تمه
نتم
ما نيتم ولا نتيتم
وب جدوري تبقى الكسده واقفه
ويبقى راسي معرش
وكر بين الوكار
يستارحو فيه الهوام
ويتعاشقو فيه لطيار
م.س
ليست هناك تعليقات:
إرسال تعليق