Malika El Idrissi

******

الحر بالغمزة

هضر...
تكلم...
عبر...
بكي...
ضحك...
مالك ساكت...
ولا عاجباك دموعي
الهاطلة واد
وهي كل ما نكساب
آش بان ليك فرحانة
ضاحكة
ياك الزمان بكاني
والدنيا ضاحكة على ايامي
ياك إلى حزنت
ما يبكي عليا زمان
دموعي ذنوب على الوقت
عارف شوكتي واعرة
سلاح عطاه لي با قبل مايموت
ياك خلاني حجرة الصم
لي طحت عليه نهرسو
ولي طاح عليا يتهرس
ياك عارفني شريفة
جدي يبس الذيب لي يبس المعزة
دعوتي تشد ف لي ايسيل دموعي
لي حالفة ما تجرح جفوني
دموعي لي خليتها غير ل بويا ومي
اجمع راسك ضرب الوقفة
فهم يا الفاهم
الحر راه غير بالغمزة
شاعرة بوابة الاطلس
لالة مليكة الادريس