شعيب صالح المدكوري

******

نْغَامِي مْعَ لِيلِي

***********

سَوَّلْنِي الِّليلْ مَالَكْ سِهْرَانْ

گَلتْ غْيَابْ لَعْشِيرْ اشْغَلْنِي

اَشْ اِدِيرْ اْلَعاشَقْ وَحْدَانِي

غِيرْ اْتْوَنَّسْ بِكْ وَجْدَانِي

دْوَا ؤْ گَالْ مَالَكْ زَعْفَانْ

اَنَا مْعَكْ ؤْ نْجُومِي تَانِي

جَاوَبْتُو ضْلَامَكْ عَمَّرْ مْكَانْي

ؤُ لْوَحْدَة حَالْفَة مَ تَنْسَانِي

زَادْ گَالْ مَالَكْ بَارَدْ جِيعَانْ

حَالْتَكْ تْبَكِّي كُلْ زَهْوَانِي

مَ هَمْنِي جُوعْ وَلَا بَردْ بْدَانِي

لِ عْرَفْ لْوَحْدَة اِدْرَكْ لَمْعَانِي

لْعَاشْگِينْ يَاهَدَا فِ كُلْ مْكَانْ

مَاشِ وَحْدَكْ عَايَشْ وَحْدَانِي

اَشْ نْگُولْ لَحْبِيبْ لِ جْلَانِي

مَ عْدَرْنِي مَ قّدَّرْ مْحَانِي

لْوَلفْ يَا دَاكْ لِنْسَانْ

كْثِيرْ مَنْ مَحْبُوبْ اِعَانِي

ِايْه يَا لِيلِي بِ لَفْقَايَسْ سْقَانِي

فِ بِيرْ غَارَگْ مَظْلَامْ رْمَانِي

سَوَّلْنِي الِّليلْ مَالَكْ سِهْرَانْ

گَلتْ غْيَابْ لَعْشِيرْ اشْغَلْنِي

...

شعيب صالح المدكوري

تامسنا 05.01.2018