مالك يا حروفي الباكية ابردتي
اتقول عمرك م اتعنيتي واتبوردتي
بعودك في السربة ولا يوم اجفلتي
خليتيني حاصل وسط الرما ما اتكلمتي
ولا جاتك الغيرة اعليا كيكفما كنتي
الغالب الله لمليتي من المحرك وهربتي
مالك يا حروفي الباهية اهجرتي
الخاطر اللي كان يتعنا بيك ما وليتي
ياكما اكثر اشكايا بيك ؤ ما استحملتي
اتعري على ذاك الجرح اللي بيه تبليتي
ؤ من كثرة همو لمسوس لعظام اشكيتي
خليك كيف حالي ؤ لا تزيدي في كيتي
مالك يا حروفي الشاكية اتبهدلتي
كنت معشوقة العرسان ؤ ما اتزوجتي
ابقيتي بايرة أخر الزمان ملي شختي
ياك كنتي وردة في اجنان وحدتي
في ليلي الطويل امعاك ولا انت انعستي
كان حالك امساوي امعا حالي اعلاش انفرتي
اتقول عمرك م اتعنيتي واتبوردتي
بعودك في السربة ولا يوم اجفلتي
خليتيني حاصل وسط الرما ما اتكلمتي
ولا جاتك الغيرة اعليا كيكفما كنتي
الغالب الله لمليتي من المحرك وهربتي
مالك يا حروفي الباهية اهجرتي
الخاطر اللي كان يتعنا بيك ما وليتي
ياكما اكثر اشكايا بيك ؤ ما استحملتي
اتعري على ذاك الجرح اللي بيه تبليتي
ؤ من كثرة همو لمسوس لعظام اشكيتي
خليك كيف حالي ؤ لا تزيدي في كيتي
مالك يا حروفي الشاكية اتبهدلتي
كنت معشوقة العرسان ؤ ما اتزوجتي
ابقيتي بايرة أخر الزمان ملي شختي
ياك كنتي وردة في اجنان وحدتي
في ليلي الطويل امعاك ولا انت انعستي
كان حالك امساوي امعا حالي اعلاش انفرتي
بقلمي
المصطفى لخضر
ليست هناك تعليقات:
إرسال تعليق