فريدة حداد

******

عشاق البلاد

الكريم ولد الجود
الصاين لحدود
من صغرو ...
راضية عليه مو
حليبها المرصع
بلوفا والمحبة
ساكن دمو
اليوم لبس جلابة
هداها ليه عمو
فيها بركة جدو حمو
للي تراب لبلاد
بالزغارد ضمو
وهواها حلف
ماينسى تشميرة كومو
للي خلات العديان
فبحور الخوف يعومو
وعلى الأبطال يصومو
حفيد حمو اليوم
لبس سلهامو
وفرحو به اعمامو
وعلى لكتاف
حملوه قرانو
وفرح به شانو
هو سيد لوفا
ال عالي مقامو
خديم هاد الأرض
للي حضنت قدامو
وعمرها ما لامتو
ولا خانتو...ولا
تجاهلت سلامو
اليوم الحر
زاد تعلق بدمو
وب التراب للي كرمو
والحاقد يموت فسمو
وكلام لعدا ما يهمو

فريدة الحداد