لحسن بوعاد

******

نظرة بالعين مكشوفة

من اول نظرة القلب بغاك
موحال موحال غادي ينساك
من اول نظرة بالعين
تبهر بالبهى الجمال والزين
من نظرة شعلت نارو
ما قدر يكتم اسرارو
حالو الله عالم بيه
تايه هنا و لهيه
من اول نظرة وشوفة
كانت بالعين مخطوفة
نية العاشق معروفة
نظرة واضحة و مكشوفة
بالنظرة العين تفهم العين
آش بقى للقلب مسكين
من غير يطيع ويسلم
أمرو بلا ما يتكلم
استسلم القلب و طاع
عاشق للزين ماشي طماع
حب ما يتشرى ولا يتباع
يا قلبي تهنى وارتاح
انسى الماضي لي راح
معاها عيش ايامك افراح
انت ليها وهي ليك
غير تهلى الله يهديك
الشاعر الغنائي
لحسن بوعاد