Noureddine Fikri

******

النْدامَا ما نَفْعاتُو

كانْ هاني في حْياتُو
ضاحَكْ وْلاعَبْ مْعَ مْراتُو
عايَشْ مَرْتاح مْع وْليداتُو
حَتّى حاجَ ما خَصّاتُو
دارْ وخَدمَا وَتاتُو
في واحَد العرس عَرْفاتُو
وَبْحالْ المَسْكَا لَصْقاتُو
حَلْفاتْ هِيَ لَخَلّاتُو
بْحالوفي حْياتْها ما لْقاتُو
شافْتو ضاحَكْ حَسْداتُو
شْحال مَنْ راجَلْ دَوْزاتُو
الرّاحَا والهْنا ما حَسّاتُو
جاتْ بِزْواقْها سَحْراتُو
مَن وَسْط وْلادو هَزّاتُو
وْفي حياتها دَوْباتُو
وعلى الطْلاق زَرّْباتُو
وْفي حَبسْها سَجْناتُو
بِالشّرابْ والقْمَر بَلاتُو
الجِّيبْ والرّصيدْ خْواتُو
يَتْسَلّف المانْضا ما قَدّاتُو
وْبِشيكاتْ خاوْيين رَهْناتُو
نْدَمْ والنْدامَا ما نَفْعاتُو
مْرض وفي الرّكنا رْماتُو
طَبّْ وِبِغيرو بَدّْلاتُو
وَلّا نادَم عْلى ما فاتُو
الحَسْرَا والقَهْرَا قَتْلاتُو
بقلم: نورالدين فقري