فاق الفقير :

فاق الفقير بكري وسرى على رجليه
ايبري على دوا  الزلط باغي يشريه
كلشي راكب على احديدو ومخليه
في ديك الطريق غادي حادر عينيه
ما القا  غير اللي باغي يحرث اعليه
شاف تا اعيا ورجع للمرسم باللي فيه
اتوسد لغديد  وغمض اشفار عينيه
وجر بكثرة الصبر اغطا الذل اعليه
امحاينو امحاين وقليل من داها فيه
شي ايقول سرو دارها راسو بيديه
ؤشي ايقول الله يحسن عونو من لهيه
ولا من اتفكرو ولا حاول ايواسيه

بقلمي

المصطفى لخضر

مساء يوم الثلاثاء 27 فبراير 2017