بارد الكتاف.
بارد الكتاف.
مايخدم مايهز قفاف.
و ياكل بزاف.
اه!اه! شحال حشلاف.!
ما يحترم قانون ولا اعراف.
عقلو موسخ وحوايجو نضاف.
بحال الى هو موظف.
ما يعيا من الطلبة والتسلاف.
طناز وهراف.
يتظاهر باللي هو عالم عارف.
وهو ما قرا، ما سمع ، ما شاف.
راسو عامر بالتخارف.
وما يرضى يخدم وباغي الصرف.
.كيطلب يكون مدير.
الى تواضع يدير شاف.
اييه عندو الديبلوم .
وتخصص علوم.
ولكن ف الحلوم.
الناس تقرا وهو ساد اودنيه وعينيه .
عقلو ما شي هنا لهيه.
ما يتبث ما يرسى
دماغو مع الريال والبرصة
خاصاه شي دكا عصا(daga ).
وفي لامتحان يدير تبهلة.
والى حصل حصلة.
قال ليك من حقو النقلة.
و الا يشعل شعلة .
أما الى لقى الغفلة
و نجح يبدا يتبجح
ويقول هو مول اول نقطة
وهوالذكي والزوبن مول الكصة( gossa )
والى ضربها بسقطة.
يفول بلاحشمة.
زكلتها على ربع نقطة(zgaltha ).
المصحح هو اللي فيه الفالطة.
كون ماهو كون راه دايرىحفلة .
الحلم اولدي يبغي على كتافك تعري .
تكون راجل ماشي طفل ، دري.
وقلبك بحب الله تعمر.
وعلى دراعك تشمر.
عمر بنحيدي 2/3/2018
ليست هناك تعليقات:
إرسال تعليق