خوكم راه صياد
في أعماق البحار ماشي الواد
الوزيعة فينا و شكون الجلاد
تفضح السر و عاقت العباد
بان لخديم و بان خاين البلاد
بانت الطريدة و بان الكلب الصياد
حنا الا حفينا،راه حنا لجواد
حنا الا تعرينا راه على قبل ارظنا و لولاد
و انتوم يوم تجمعنا،ظنيتونا غير جراد
ظنيتونا عبيد،ظنيتو نفوسكم قياد
نسيتو يوم وكلناكم،وجعلنا أيامكم عياد
نسيتو الحملة و نسيتو يوم قطعناكم الواد
نقيطو وسخكم و نسيتو تمرميد الرماد
كلمتنا وحدة،فجماعتنا وحثى إلا كنا أفراد
ما نتباعو ما نتشراو،ما نقبلو نكونو غير سياد
ما نخونو ما نجورو،حنا فالخيمة مثل لوثاد
ليست هناك تعليقات:
إرسال تعليق