موسيقى

حوار بين حبيبة أخريف و ربيع النمري

Habiba Akhrif
*********
دارت بيني وبين الزجال ربيع النمري هذه الحوارية اتمنى ان تنال اعجابكم
ربيع النمري
لو كان جى فهاد الزمان
عبدالرحمان المجدوب
لو كان طاح ليه اللسان
و اينعتوه ب الكدوب
ايردوه أينش الدبان
ؤ قيمتو غادا ادوب
عايمين فالعيب ويدان
و ايبينو فيه العيوب
جيل قيمش
والراس قاصح طوب
م يحشم م ايرمش
م يقرا كتوب
م ايأمن ب حكمة
ؤ تفكيرهم مقلوب
حاكماهم المادة
ؤ الايمان ب الجيوب
م ايخدمو م ايردمو
والدراع مغلوب
القيل والقال
والغرق فالدنوب
شوف من حال الامة
يا ربي وعلينا توب
حبيبة اخريف
عبد الرحمان المجدوب
كان رجل فصيح
ليوم يتغناو بالحب
والارض كلها حروب
مخبيين ريوسهم
كي النعام
يقولوا نعام
بلا مايعرفو
علاش
اليوم الرجال
يجريو مور
المال
شحال عندك
تسوى
الا ما عندك
فلوس
كلامك مسوس
ك يقلدو
فلان وفلان
ماشي حتى
مسلم
يتفرج الكورة
يشبع هم
قيقتلوا حبابنا
وبيعوا سلاح
بفلوس حجنا
وتقلى الرجال
تباعوا فسوق
ماليه قرار
ؤربي علينا يتوب
محال
ربيع النمري
كنا خاوة
والدرهم عدو
فرق الخاوة
و انشر الهم
ارجع كلام
المجدوب ايغم
قلة الفاهمة
ؤ كلشي يفهم
كترة البلاوي
الغاشي اتگدم
كلشي بالعباية
ؤ فين المسلم
اللحية عزافة
و الدماغ امهدم
كترة الفتاوى
رجعو الدين سم
رجعوه قساوة
تخمام ؤ هم
الله ايحد الباس
الصح اتهزم
الفرح اتغم
والغم اتبسم
حبيبة اخريف
الغم غير لي بغا
يعيش فيه
ك يقلب على
البلاوي
شي داير اللحية
مطير لحيا
يقولك لا حيا
ف الدين
أوا ولي سروالوا
مدلي غادي
فالشارع يعلي
اش يعلي
الموصيبا وصافي
محسن راسوا
راسم خريطة
ورموز بحال
شي حلوف
رابط الكولا
ما يشبه حد
كلشي كيتكلم
ما تفهم لغاه
كنا مسلمين
للتربية الاسلامية
والوطنية حافظين
تبدلات سمية
وشي مواطنة
ما بقات
يهرسوا المنشات
يخربوا البنايات
هادوا نتوما
يا جيل مايحشم
ما يرمش
غير الا جات فيك
تبكي وتزاوك
حتى لمرة ما
تبكيش
ربيع النمري
موضة المرضى
و الي ما امرض
دبا ي اتعادى
تطايح السراول
باش من ايفادة
و بنات امزيرة
فصايل البرادة
النخوة عل الخوى
دم الگرادة
عياو الوليدين
ؤ جهدهم اتقادى
علموهم الدين
علموهم العبادة
اخوي الما فالرملة
يبقى الطابع شهادة
ؤ جيل اليوم
حاسب النصيحة بلادة
ما ياحترم مدرسة
ولا اساتدة
اويلي اش هادا
جيل عايش بلا ارادة
حبيبة اخريف
هاذي ماشي
موضة
هاد المرض بعنيه
الواليد الله لا
يخطيه ينصح
لميمة مغلوبة
على امرها
يقوليها
هادا زمانا
ديالكم فات
ومشى
ياك أولدي
هادشي لي
قدرت عليه
مك تقلب ليك
على الخير
ونت منو تهرب
زمان اشمن
زمان هاد
الفايس والواتساب
غلب على الناس
مابقى ساس

ليست هناك تعليقات: