غير....... داوي
-------
أنا كبير من اسما
أنا عْطش لْما
وانا صغير من بعوضة
آنا كلْمَه
كنت دم مع الدّم ف لعروق يجري
وهانا زرّيعة مَزوزيّه من بكري
شويّه منّي وشوِيه من اسما
شْويه من لْحشَره وشويه من ريحَتْ لْبَرّي
وهانا اطفل هانا راجل
هانا وْجودْ بلا سفينه راحَل
هانا مْرَزّن هانا درّي
هانا هْنا بلا مكانْ
هانا مْكان بلا هْنا
وهاد لَهْنا
معندو ڭلْب
يْكُب ويقْلب ويشقلب
وشحال قد لڭلب ما يتْڭلّبْ
ازيادَه ف لْفرحَه عْياط
وشامْ ف حنكْ لَرْض
الطول لْبسْ لعرض
وكان لغرام لهيب
الدّرْسَه شْياط
ولّي كان سبولْ
لَ لْواح فيه ادّري
قَسْمه منّو اتباعْت
ؤ من فْضلْها تْعاوْدْ فيه تشري
لْبركه زرّيعَه
تْوْلد صَوتْ لْمطوي
وانا ولْما
نْطاطشو لميزان
كفّه ابحر وكفه بَرْ
ؤ لْسان عْمُر
وها ازمان كولو ازمان
لعين ميترو
وشحال قد لعقل يعْبر
اذهب ف اتراب اغْبر
لحال ريح واشتا
وعش لڭمره انجوم
لساني يتمتمْ
ولميزان بلسانو يْوَلولْ
لسان لغة
والنار لسان
كلمتو اهدايا ل ظْلام
ولحكم احريقه
بين مناولْ
احديث ومغزل
خشيْتْ راسي ف لَرْض
وجبهتي ساجدَه
شفت عْضامي تتْكلّم
شمّيتْ حلمتي وْحمْ
شفتني راڭد
إييييه شفتني حقيقه
ؤ ف لفياق شفتني وْهمْ
سكْرتْني اشْقيقه
تحت لْتَحتْ
اترابْ سارَدْ
ولفوق ماء ازهر
بْقاتْ لمواجْ ف لحجر تنتف
وف اسفينَه تَلْطَم
شفت صوت لبحر
وسمعتو احقيقه
واش تيشكي ولّا تيبكي
ولّا باغيني نْطَم
باغيني نْزم
ولّا نْزَمّم ونزمزم
واسما ديما فوق راسي
كلشي كاين وكلشي مكاينش
الضحكه من لڭلب شحال زْوينه
وانا وستْ لْحلقه
والشاهد نهار / ساعَه ولّا دْقيقَه
اضّحكَه بلا كينَه
اضّحك فيّا آنا
انا لعريس
ولعروسه عـقيقه
ولْفَرح اتْشرّڭْ خْتانَه
كنت آنا ولّا ماشي آنا
مَدّيتْ يدّي لْحنّة
كتْبتْ لي حنّه
لمْحنّه غْرام
طاحت اشتا
وهزني لْما ل سْما
ولْأرض صبّاطي
كلشي واقف وكلشي مْواطي
وانا واسْما نغسلو راس الليف
ولحروف دموع
تْشطّطْ عياطي..
البوهالي : 2018.02.28
-------
أنا كبير من اسما
أنا عْطش لْما
وانا صغير من بعوضة
آنا كلْمَه
كنت دم مع الدّم ف لعروق يجري
وهانا زرّيعة مَزوزيّه من بكري
شويّه منّي وشوِيه من اسما
شْويه من لْحشَره وشويه من ريحَتْ لْبَرّي
وهانا اطفل هانا راجل
هانا وْجودْ بلا سفينه راحَل
هانا مْرَزّن هانا درّي
هانا هْنا بلا مكانْ
هانا مْكان بلا هْنا
وهاد لَهْنا
معندو ڭلْب
يْكُب ويقْلب ويشقلب
وشحال قد لڭلب ما يتْڭلّبْ
ازيادَه ف لْفرحَه عْياط
وشامْ ف حنكْ لَرْض
الطول لْبسْ لعرض
وكان لغرام لهيب
الدّرْسَه شْياط
ولّي كان سبولْ
لَ لْواح فيه ادّري
قَسْمه منّو اتباعْت
ؤ من فْضلْها تْعاوْدْ فيه تشري
لْبركه زرّيعَه
تْوْلد صَوتْ لْمطوي
وانا ولْما
نْطاطشو لميزان
كفّه ابحر وكفه بَرْ
ؤ لْسان عْمُر
وها ازمان كولو ازمان
لعين ميترو
وشحال قد لعقل يعْبر
اذهب ف اتراب اغْبر
لحال ريح واشتا
وعش لڭمره انجوم
لساني يتمتمْ
ولميزان بلسانو يْوَلولْ
لسان لغة
والنار لسان
كلمتو اهدايا ل ظْلام
ولحكم احريقه
بين مناولْ
احديث ومغزل
خشيْتْ راسي ف لَرْض
وجبهتي ساجدَه
شفت عْضامي تتْكلّم
شمّيتْ حلمتي وْحمْ
شفتني راڭد
إييييه شفتني حقيقه
ؤ ف لفياق شفتني وْهمْ
سكْرتْني اشْقيقه
تحت لْتَحتْ
اترابْ سارَدْ
ولفوق ماء ازهر
بْقاتْ لمواجْ ف لحجر تنتف
وف اسفينَه تَلْطَم
شفت صوت لبحر
وسمعتو احقيقه
واش تيشكي ولّا تيبكي
ولّا باغيني نْطَم
باغيني نْزم
ولّا نْزَمّم ونزمزم
واسما ديما فوق راسي
كلشي كاين وكلشي مكاينش
الضحكه من لڭلب شحال زْوينه
وانا وستْ لْحلقه
والشاهد نهار / ساعَه ولّا دْقيقَه
اضّحكَه بلا كينَه
اضّحك فيّا آنا
انا لعريس
ولعروسه عـقيقه
ولْفَرح اتْشرّڭْ خْتانَه
كنت آنا ولّا ماشي آنا
مَدّيتْ يدّي لْحنّة
كتْبتْ لي حنّه
لمْحنّه غْرام
طاحت اشتا
وهزني لْما ل سْما
ولْأرض صبّاطي
كلشي واقف وكلشي مْواطي
وانا واسْما نغسلو راس الليف
ولحروف دموع
تْشطّطْ عياطي..
البوهالي : 2018.02.28
ليست هناك تعليقات:
إرسال تعليق