يا المخبي الشمس بالغربال
يا الهاضم حقوق نسا ورجال
طلع عليك النهار هادي شحال
دار عليك الزمان وتغيرت لحوال
محال نصدق كلامك ثاني محال
ننعس أنا مرتاح البال
وانت تجتر عصيد النخال
يا المخبي الشمس بالغربال
لسانك علينا طوال
عايش مابين اوهام وخيال
أو الخيال ما يقرب اوصال
تنسج من الكذوب شلا احبال
كلامك ذايب ما بين القيل والقال
انت ما زين يامول الفلجة والخال
واليوم ها انت واقف الله يفك لوحال
واشكون عليك يسول ويسال
وانت ف سوق لكلام دلال
باغي توصال ف الحال
ناس زمان ولاد لحلال
قالو بالمهل يتنكل بودنجال
الدنيا غابة فيها خرفان واغوال
يا اللي تابع الدنيا فصال
احسبها مزيان لاتكون على غيرك عوال
هشام بريطل
ليست هناك تعليقات:
إرسال تعليق