مال الخوف

مال الخوف ساكن معشش فالجوف
مالُو طَوّل بعنادُو يرَعّد لَبْدان
مْطَيّحْ ظْلاَمُو نَاشَر جْنَاحُو يِطُوف
طَايَر فَسْمَاه حَامَل بَكفُوفُو عْرَارَم لَحْزَان
غَادِي يِكَفّن روَاح مَجْلِيّة تَحت سْقُوفْ
رَاشْيَة بْقُوّة الصَّدمَة ؤُالْهَمْ لِّي كَانْ
بَاغِي يِسَبّقْ القَلْب الْمَيَّت مَلْهُوف
مَحْرُوكَ بَالكَيّة  مسالِي مْعَدّب وَلْهَان
مَدعُوقْ بَالْحِيرَة الدّايْعَة ؤُالْوَضْع المَعروف
لَكفُوف تَتْرَعّد خَايْفَة مَنْ هْيَاجْ الدُّنْيَا ؤُلَكوَان
خَايْفَة مَن السّم الْمَسْمُوم لِّي مْعَوَّل يِخَلِّي الْعِيش مَكْرُوفْ
 يِذَمَّر كَنَايَز خَوَّافَة يِشْنَقْهَا بَفْعَال الشِّيطَانْ .....
-------------------------
عبد الرحيم يونس الرغاي --