"حرف جديد"
أنا نصارع الموج
نقاوم تيار لَهْموم
نفاجي على المضيوم
ونتا من فوق البرج
ما مديتي السَّلُومْ
ما عْجَبتك ف العوم
نقاوم تيار لَهْموم
نفاجي على المضيوم
ونتا من فوق البرج
ما مديتي السَّلُومْ
ما عْجَبتك ف العوم
ماشي بخاطري وما بغيت نفزگ
ونتا بخاطرك وما بغيتي تمرگ
ونتا بخاطرك وما بغيتي تمرگ
گلتي المنجج عندي عوج
و "الحنبل" عجبك زواقو
ف كلامي مبهوض تتفرج
بحال دارو ليك " البنج"
تعاير فهبالي ونتا من عشاقو
و "الحنبل" عجبك زواقو
ف كلامي مبهوض تتفرج
بحال دارو ليك " البنج"
تعاير فهبالي ونتا من عشاقو
ماشي بخاطري سديت لكتاب
ونتا بخاطرك وما لقيتي جواب
ونتا بخاطرك وما لقيتي جواب
الجبهة بلا زعامة
من قلة لفهامة
تسمسر بلا عربون
تترامى على الحجامة
وتعرف سر لغيامة
فين يكون
من قلة لفهامة
تسمسر بلا عربون
تترامى على الحجامة
وتعرف سر لغيامة
فين يكون
ماشي بخاطري نشوف الضربة ونتلف
ونتا بخاطرك ماشفتي والو وتقفقف
ونتا بخاطرك ماشفتي والو وتقفقف
خيرناك ف الجماعة
وعطيناك السوارت
ومنين ما جبتي القاعة
نكرتينا ف " دارت"
قدمناك ف البرزة
وزغرتنا وخا الحلق مبحاح
وصبرنا عليك ف الحزة
قلنا الليل حدورة
دغيا يطلع الصباح
خليتي غير الهيضورة
ما لقيناك لا نتا لا المعزة
ما فقنا ما سمعنا "نباح"
وعطيناك السوارت
ومنين ما جبتي القاعة
نكرتينا ف " دارت"
قدمناك ف البرزة
وزغرتنا وخا الحلق مبحاح
وصبرنا عليك ف الحزة
قلنا الليل حدورة
دغيا يطلع الصباح
خليتي غير الهيضورة
ما لقيناك لا نتا لا المعزة
ما فقنا ما سمعنا "نباح"
ما شي لخاطري الى ميكت عليك
و نتا بخاطرك وحتا حد ما يجيك.
و نتا بخاطرك وحتا حد ما يجيك.
الله يهديك.
لشهب سعيد
ليست هناك تعليقات:
إرسال تعليق