***مالكم كيف تحكمون .....
إيلا شفتي لحية خوك
تقطر بالخمر
قول راه غير
تكفحت عليه
وايلا لمحتي البنية
ف فمها سيجار
قول راه غير زعتر
دوا البرد وفيه السر
وايلا بانت ليك
الميمة معريا الشعر
قول راه غير الريح
وفعايلو في البر
ومع الشجر
وايلا ظهر ليك الشاب
في العبارة مهاجر
قول راه غير بغا يجرب
واش يقدر ينتاحر
وايلا بانت ليك
صورة مومس في المرايا
قول راه غير تتمثل
دور السعاية في الملايا
مالكم تتعرفو غير الشك
ورشق الناس
بالطوب والحجر
ديرو النية شوية
وحسنو شوفتكم
في الراجل والولية
راه بعض الظن إثم
ولي ابتلاه الله اليوم
يعافيه غذا وتبقى
غير أنت واللوم
مالكم كيف تحكمون
الإصلاح يبدا من الدار
نفسك ثم الوليد والبنية
شارجي النفيسة بالقيم
والأخلاق حتى هيا
نهج نهج الانبيا
بين الخطأ ونصح
القاري والأمية
ودعي الله يصلح
شباب هذ الأمة الأبية
وينزع شوكة الغدر
من القلوب الواهية
وخلي الحكم لله
رب البرية
غافر الذنب والخطايا
بقلمي فوزية بوقريان
تقطر بالخمر
قول راه غير
تكفحت عليه
وايلا لمحتي البنية
ف فمها سيجار
قول راه غير زعتر
دوا البرد وفيه السر
وايلا بانت ليك
الميمة معريا الشعر
قول راه غير الريح
وفعايلو في البر
ومع الشجر
وايلا ظهر ليك الشاب
في العبارة مهاجر
قول راه غير بغا يجرب
واش يقدر ينتاحر
وايلا بانت ليك
صورة مومس في المرايا
قول راه غير تتمثل
دور السعاية في الملايا
مالكم تتعرفو غير الشك
ورشق الناس
بالطوب والحجر
ديرو النية شوية
وحسنو شوفتكم
في الراجل والولية
راه بعض الظن إثم
ولي ابتلاه الله اليوم
يعافيه غذا وتبقى
غير أنت واللوم
مالكم كيف تحكمون
الإصلاح يبدا من الدار
نفسك ثم الوليد والبنية
شارجي النفيسة بالقيم
والأخلاق حتى هيا
نهج نهج الانبيا
بين الخطأ ونصح
القاري والأمية
ودعي الله يصلح
شباب هذ الأمة الأبية
وينزع شوكة الغدر
من القلوب الواهية
وخلي الحكم لله
رب البرية
غافر الذنب والخطايا
بقلمي فوزية بوقريان
ليست هناك تعليقات:
إرسال تعليق