«بلادي يا اعز البلدان»
.
تساريت جميع البلدان
.
تساريت جميع البلدان
بحالك يا بلادي ما لقيت
وطني يا خير الأوطان
فيك كبرت انا وقريت
بلادي عرصة بلادي جنان
بغيت نرسمك لوحة وما قديت
سهول وجبال في كل مكان
انت بلادي اللي حبيت
جوج بحور عاد الويدان
على خيرك ما يكفي حديث
الطيبة والكرم عنوان
قصة بلادي فين ما مشيت
مغربي حر مهما كان
العز لبلادي اللي فيها تربيت
من طنجة للكويرة مغاربة شجعان
نفتخر ببلادي مهما حييت
العيون مراكش ورزازات افران
اسفي الصويرة البيضاء مانسيت
الداخلة اكادير طان طان
خريبكة بني ملال تيزنيت
فاس مكناس بولمان
خنيفرة وجدة .. مدن وقرى وكل بيت
تاريخ. تراث .الفن اشكال والوان
نعيا نحكي ما نكون وفييت
على راس بلادي سلطان
همة وزعامة يحفظوا المغيت
في حقك يا اعز البلدان
ولو نألف ديوان ما نكون ساليت
توفيق البوعزولي
ليست هناك تعليقات:
إرسال تعليق