Ahmed Naciri

******

..........دلو الهم.....

دليت شريطي
ف حاسي جوفي
وقلت راه ساهل
نطلع دلوووه....
.....
شريطي لقيتو راشي
والدوم ما هو كلب نايمg
وخا دددكg
ما كان الفتيل وتووووه....
.....
هبطت كامة مور كامة g
وما طلع دلو
ما تحيدت محنة
وحتى قلبي زادوا نسفوووه....
......
لقيت الدلو تشبك
ومن عروقي ما بغى يتفك
غامس وسط دمي
والمحاين راهم عمروووه.....
......
ددلى شريط الهم
وفوق الدلو ولى حاصل
وتحماو على قلبي
وما كواه زادو خنقوووه.....
.......
الركابي بيهم خانوا
عرفت الثقل هو السباب
ما درت همي ف شبكة
لي طاح منها راهم يلوحوووه
.......
..........أحمد الناصري......