رواح حسن

*****

........................اليتيم
لا تقول يتيم
الا ماتو الوالدين
وبقيتي وحدك دليل
وحكمت خيوط الدنيا
من واحد غريب
أحسن فيك التربيه
لتيم...............؟
يتيم الحيين....
تخلى عليه البو
ولاحتو لميمه ف الحين
حاضر ما شافتو العين
غايب ما سألو حد فين
ولا تعرف فين كاين
صابر لزمان
والزمان صعيب
يبكي بالقلب
بلا دمعة في العين
لايشمت فيه العادي
لايضحك عليه حبيب
ينبش في زواق الدنيا
يستر فيه ضيمو
يصرف ليلو بكا(ء)
حتى حد ما جاب خبارو
محارب بجهدو الزمان
والزمان غلبو كثير
شلا منو عسر
قليل منو تيسير