Fatima Bassour

******

" كان "

كان عليك
وب لسان العشق الخاتر
انگولها ليك
قبل ما اتفكر اتصيد لحمام
ب قرطاس لوهام
تتعلم بعدا...
البارح قبل غدا
اتحيح تحياح لباردية لقدام
عاد خرًجْ أعشيري...
التٌخريجة اللولة ف لحلام
قبل ما اتخرجها كيف احلمت
ف لآلة لريام ب التمام
حيت ابغيت من العشق الحايل
اتغير بثينة
اتغير عزة
وبالسم تموت ديك عبلة
ابغيت ريح العشق
اللي ودرات قيس ف الصحراء
اتسوط ب عجاجة ملاوطة
وتلوحني ل منتهى السدرة
ونا مسرية...
انعرج على ملاك الصدق
نلگاه ينفخ ف صور الخيانة
اتقوم القيامة
ونلگاني أنايا
حورية ف جنة لوفا.

مجنونة الحرف والركح: 31/1/2018