فوزية اسلاميات

******

*قالوا ناس زمان .....
ها النشاط هاهو شاط
كان الغذا يطيب ع مْجْمر مْهيل
وعمرو ماشاط
ولا شميتي ريحة الشْياط
كانت المرا كمرة قوية
تهز الراجل بخْفة
ولكن من حياها عَمْرها
ماقــلّْت عليه العْفَّة
دابا المرا منا عايشة
غير بالكينة والشوكة
ماتهز شربة..ماترد ضربة
كلامها كثير
ووزنها من الريجيم قليل
ولكن في دارها
مقاولة و قاضية
أستاذة للدراري ...
ومحامية عند الشدة حتى هيا
علاش يالراجل تركتي منصبك
وجلستي تعالج الكلمات
في القهاوي المنسية
مافيها باس تفرفش شوية
ولكن لي وزنك وزنو
وخلي عندك غيرة شوية
راه كلشي يفوت
وتبقى المسؤولية
هي المسؤولية
ورغم ذلك تحياتي للراجل
والمرأة المغربية

بقلمي فوزية اسلاميات