Samira Mohamed

******

قصيدتي: طير الغربة
طيري طار وعلا ... بجوانحو عالي
طيري سافر وخلا ... الشطنة فبالي
طيري هاجر ... وتمنا يكون هاني
طيري عزم الرحيل ... واسمح فالعش الدافئ
طيري طامح ... في الشأن العالي
****
طيري طامع ... في تحقيق الأماني
طيري يغرد ويشدو ... أعذب الألحان
غربة طيري صعيبة... ومعاها مغرباني
غربة طيري سميحة ... وفقلبي كاوياني
واش طيري مرتاح؟؟..ولا بوحدو يعاني؟؟
واش طيري عارف ؟... محنته من محاني ؟؟
****
ياطير الغربة... ا
حكي اش تقاسي في بعدك ؟؟
واش مسامح ف أهلك وأحبابك؟؟
واش مكافح بكدك وحوارحك؟؟
واش مازال صابر على محنتك ؟؟
ياطير الغربة ارجع لأوكارك
ياطير الغربة اسمع لأحبابك
را تا بلاد ما بحال بلادك
را حتى تناس ما بحال ناسك
****
انت طاير فسما ...
وأنا قلبي طاب من لقسا
انت ما هاني وانا ما هاني
راه مكانك ما زال خالي
راه لميمة ما صابرة بحالي
وكتنمى يرجع ليها ... الطير الغالي
****
فين جودك والنخوة
فين عرفك والحكمة
فين طيبتك والمحنة
راني ف بعادك فالمحنة
راني مشتقاك لديك السحنة
راني محتاج لديك البسمة
****
ياطير الغربة
فنهارك رجوعك نوجد الحفلة
ونكول لميمة ديري الحنة
راه طير الغربة ....
ارجع للسكنة ....
فعشو يحظن الدفا ...
ويلقى الأحباب فيه تسنا
ويفرح طيري ويعيش الهنا
يا طير الغربة .... ياطير الغربة

سميرة بلفقير 01/02/2018