الشاعر هبولة عيسى

عشاق الخصام...

غراق فتان و الگمرة ضاوية
هدام  ردام   طوالو  رجليه

عشاق لخصام علامن  ناوية
يلقطو لكلام  من هنا و لهيه

و  الفيسبوك  عندهم  زاوية
يخصرولكلام يسبو ف  نزيه

عرام  لكلام   هضرة  خاوية
معرفت لاش بغاوني نقصيه

ماجات معلومة منهم ساوية
مأكدة خالية من كلام سفيه

بالسب والشتم فامهم راوية
كل واحد فيهم وجهويخفيه

جناي الغبن من ظلفة لاوية
مضرب حساب لجدام يعميه

لكلام الرزين دايرلهم كاوية
ماوقرو مثقف ماوقرو فقيه

بقلم /هبولة عيسى